Stamp wagi vs Phogat; world champ Angela Lee sunod na haharapin

MANILA, Philippines – Nagwagi si Stamp Fairtex  sa One Women’s Atomweight World Grand Prix Final matapos pasukuin si Indian wrestler Ritu Phogat sa One: Winter Warriors sa Singapore Indoor Stadium.

Pinasuko ng dating One Muay Thai at kickboxing champion  si Phogat matapos itong mag tap out sa tiyempong 2:14 sa 2^nd round.

Kahanga-hanga ang naging performance ng Thai striker, kung saan nilabanan nito ang Indian wrestler sa ground  at tinalo si Phogat sa sarili nitong style ng laban sa championship bout.

Nagawa ni Stamp na mai-lock si Phogat gamit ang triangle choke sa round two.

Sinubukan pang alpasan ni Phogat ang triangle choke pero na-expose ang kanyang braso na nauwi sa armbar at nagresulta sa tap out.

“I’m really happy right now, I’m surprised that I was able to pull an armbar on her,” ani Stamp na dahil sa panalo ay magkakaroon ito ng tsansang makalaban si reigning One Women’s Atomweight World Champion Angela Lee sa susunod na taon.Rico Navarro

Stamp wagi vs Phogat; world champ Angela Lee sunod na haharapin
Source: Filipino Pinoys