15 illegal miners inaresto ng DENR; quarrying equipment nasabat sa Taal Volcano protected area

MANILA, Philippines- Inaresto ng Department of Environment and Natural Resources (DENR)- Environmental Law Enforcement and Protection Service (ELEPS) ang 15 illegal miners na umano’y gumagawa ng illegal quarrying operations noong Nobyembre 24 matapos maipanalo ang kaso laban sa illegal miners na nagsasagawa ng operasyon sa Taal Volcano Protected Area Landscape noong Oktubre.

Sa press release ayon kay DENR Secretary Roy A. Cimatu, ang mga minero na nagsasagawa ng ipinagbabawal na aktibidad sa parehas na lugar ay nangangahulugan na hindi natatakot ang mga ito sa paglabag sa environmental laws at mga parusang kaakibat nito.

“These illegal quarrying operations cannot be stopped if we remain complacent with enforcement operations. This is the reason why the DENR has bolstered training for our enforcement personnel, and more reasons why the legislative arm of the government should expedite the Environmental Protection and Enforcement Bureau (EPEB) Bill,” sabi ni Cimatu.

Ayon sa DENR 15 illegal miners na naaresto dahil na rin sa isinagawang DENR enforcement operations ang kasalukuyang dumadaan sa legal procedures dahil sa paglabag sa Republic Act (RA) 11038 o ang Expanded National Integrated Protected Area Systems (E-NIPAS) Act of 2018, RA 7942 o ang Philippine Mining Act of 1995, Presidential Decree 705 o ang Revised Forestry Reform Code of the Philippines at RA 9275 o ang Clean Water Act.

Kaugnay nito nakumpiska sa isinagawang operasyon ang tatlong backhoe, dalawang screeners na ginagamit sa paghihiwalay ng liberated at extracted sand at gravel materials at truck na may kargang 127 board feet ng round logs at 122.83 board feet ng lumber.

Ayon sa ulat nadiskubre din ng ELEPS operatives na ang lugar ay ginagamit din bilang crude “firing range” na may blue barrels na naglalaman ng gravel at sand na nagsisilbing “target papers.” Nakita rin ang ilang slugs ng bala ng baril sa lugar.

Samantala kaugnay nito tiniyak naman ni DENR Undersecretary for Enforcement Benito Antonio de Leon na gagawin ng ELEPS team ang lahat ng kanilang magagawa upang makulong ang mga nagkasala matapos ang isinagawang operasyon. Santi Celario

15 illegal miners inaresto ng DENR; quarrying equipment nasabat sa Taal Volcano protected area
Source: Filipino Pinoys