Pagbili ng PNoy admin ng PPE ‘di kahina-hinala – COA

Manila, Philippines – Iginiit ng Commission on Audit (COA) na wala silang nakitang kahina-hinala sa pagbili ng administrasyong Aquino ng personal protective equipment (PPE) mula 2015 hanggang 2016.

Sa deliberasyon ng House Committee on Appropriations sa proposed 2022 P14.46-billion budget ng COA, tinanong ni Iloilo 1st District Representative Janette Garin si COA Chairman Michael Aguinaldo kung may dapat sitahin sa pagbili ng PPEs noong 2015 at 2016.

“As far as I know parang wala namang observation na ganun po,” sagot ni Aguinaldo.

Samantala, naglahad ng detalye si Abigail Valte, dating  deputy spokesperson ng Aquino administration, tungkol sa mga biniling personal protective equipment (PPE) noong 2016.

“I heard people are looking for the specs of the PPE sets procured via PO dated June 23, 2016, so here you go,” saad ni Valte sa isang post.

Base sa purchase order, kasama sa 3,750 PPE sets ang goggles, gloves, plastic shoe covers, coveralls, surgical gloves, N95 face masks, surgical masks, at head caps. RNT/FGDC

Pagbili ng PNoy admin ng PPE ‘di kahina-hinala – COA
Source: Filipino Pinoys