Bed capacity sa 50% ng MM hospitals nasa high risk na – DOH

Manila, Philippines – Umabot na sa high risk ang COVID-19 bed capacity ng 50 porsyento ng mga ospital sa Metro Manila dahil na rin sa Delta variant, batay sa Department of Health.

Sinabi ni  Health Undersecretary Maria Rosario Vergeire na anim na lugar lang sa Metro Manila ang mayroong 60 porsyentong ICU bed utilization rate sa mga ospital.

“Ang utilization po ng ating hospital… mayroon po tayong almost 50 percent of our cities na ang bed utilization po nila ay nasa more than 70 percent na po,” saad ni Vergeire.

“Sa ating ICU utilization, mayroon na lang po tayong 6 cities sa Metro Manila na 60 plus ang ICU utilization, the rest are more than 70 percent, so ginagawan po natin ‘yan ngayon ng kaukulang tulong,” dagdag pa nito.

Sa datos ngayong Sabado, Agosto 28 umabot ang COVID case sa 19,441. RNT/FGDC